Kum 25 a lo tling ve ta reng mai!!! Nula ria pan thlarh, aw mawi tak, hlim thei leh sipai ruh ve tak mai nena "tiam tlat e" kan tih chhak kha. Kan inchhai tanna pawh Biak inah naupang khawmpui intihsiakna tur chang kan zirtir zan kha a ni a. Training tura ka dil ve tirh phat atang khan nupui nei tura fuih ka ni nghala. Sipai a ka ngheh loh an hlauh vang nge, keimaha corps enkawl turin min
ring tawk lo nge a chhan dang vang ka hre lo. Kan officer te leh Local Officer te hian ka nupui tur atana an it zawng hi an sawi an sawi a. Diktak chuan Major Sangchhunga hian Sipai Pawl nula tha awma a ngaih kan division chhunga mi hi chu a ngaihven deuh vek emaw ka ti. An enkhum fo kha keimahni corps ngeiah a lo awm khiau si a.
ring tawk lo nge a chhan dang vang ka hre lo. Kan officer te leh Local Officer te hian ka nupui tur atana an it zawng hi an sawi an sawi a. Diktak chuan Major Sangchhunga hian Sipai Pawl nula tha awma a ngaih kan division chhunga mi hi chu a ngaihven deuh vek emaw ka ti. An enkhum fo kha keimahni corps ngeiah a lo awm khiau si a.
Kan thiante hian a rukin lawmna an lo ruahman a. Senso zawng zawng pawh anmahni thawhkhawm chawp a ni. Kan va hlim em!!! Kan car hi kan hawn dawnin a lo awm lova, driverin servicing turin a kalpui an ti a. Mak ti deuh mahila engemaw thil tih an tum ni a ringin car dangin kan haw a. Tlai dar 6:30 ah kan New Zealand pa leh Filipino pa an lokal a. Kan car chu an rawn khalh a. Hetiang hian an rawn chei-
Ka nupui duhtak hi "Lalpa min pek a ni" ka ti thin. Inngaihzawn sawi tur vak kan nei lo. Mahse rem taka chhungkua leh Sipai Pawla kan hotute nen sawihova induh tlang leh lungawi taka inneihna buatsaih a ni.
Kum 25 chhung hian ka duhlaii dawhtheihzia, hmangaihna ngah zia, chhel zia, rilru ngil leh tlang 
a nihna te ka hmu chiang hle. Mahse a rawng ngainat zawng ka lo hre miah lo!!! Zai a ngaina a, ka beng atan chuan a zai thiam hle bawk. A nui ring hi chu a hlimawm a, a chang chuan ka duh aiin a volume hi a sang mah thin; mahse tum bur ai chuan a tha hle zawk.
a nihna te ka hmu chiang hle. Mahse a rawng ngainat zawng ka lo hre miah lo!!! Zai a ngaina a, ka beng atan chuan a zai thiam hle bawk. A nui ring hi chu a hlimawm a, a chang chuan ka duh aiin a volume hi a sang mah thin; mahse tum bur ai chuan a tha hle zawk.
Silver Jubilee kan hman hian "tiam tlat e" han tihnawn hi a hnip sat sat hle mai. He hun hmanna a lo tel THQ family hoten nupa tuak pual hla an sak tham tham laiin ti hian kan lo inchelh ran a. A nawm dan a danglam khawp mai.
Heng zawng zawngah hian Lalpa kan va lawm em tih bak sawi tur kan nei lo. Min kotu rinawmzia lantirin a awm a, kan Pa Pathian thatna a mite hmangin a luang chhuak a ni.
Tichuan heti hian biahthu kan inhlan nawn leh ta:
"25 years seems to be a long time, but with you I enjoy it so much. It seemed just a short while!! Had it not been for you I would never be what I am. My love for you grows each year, and I am sure you agree. I would pledge even firmer and with a stronger conviction:
For better for worse, for richer for poorer, in sickness and in health, to love and to cherish, till death us do part, according to God's holy ordinance; and this I renew upon my honour, as a true soldier of Jesus Christ."
Tichuan heti hian biahthu kan inhlan nawn leh ta:
"25 years seems to be a long time, but with you I enjoy it so much. It seemed just a short while!! Had it not been for you I would never be what I am. My love for you grows each year, and I am sure you agree. I would pledge even firmer and with a stronger conviction:
For better for worse, for richer for poorer, in sickness and in health, to love and to cherish, till death us do part, according to God's holy ordinance; and this I renew upon my honour, as a true soldier of Jesus Christ."
10 comments:
Kum 25 liam ta khan, Tlangval inla pa ve tak mai hi Pathian khawngaihna a zarah Piantharna famkim changin a hun leh nite Lalpa tana hmang turin a inpe nghal tawp maia... Chutihlai tak chuan, an venga nula hmeltha leh nuih duh tak mai chu thiante kaltlangin ( a bem ngam lo vela) a chhar chhuak hlauh maia, vannei inti tak chungin chu nula chu Pathianin a tan alo hual sak reng zawk alo nia!! Hlim taka kum 25 chhung an in hmangaih hnu chuan "A-pi, A-pu" ti tur an lo beisei ve thei ta reng mai..
HRD Secretary a nih laia, kapa, i thusawi kha kala hrereng mai.. Homework tihnan i office a Xerox paper copy khat ka dil che khan, Office thil a nih a vangin kape theilo che, kha cheng hnih hian zuk lei mai rawh i tih kha ka bengah ala cham reng asin.. A hunlai kha chuan i van ti kher2 tak kalo ti thina mahse Pathian thu pawn tlem te chunga rinawm chu tam tak chungah pawh a rinawm thin a lo tih dik zia lantirna niin ka hre ve ta chauh a...
Zirtirna tam tak awm thin mahse, Pa in a fapa a zirtirna tluka thil hlu leh rintlak dang hi a vang viau awm asin te ka rawn ti ve deuh duah a.....
In inneih Silver Jubilee tluang taka in thleng thei hi kan lawmpui hle mai che u. He hun thlenga nupa inhmangaih leh hlim dun thei tak in ni hi kan chhuang che u a. A bul ber chu Pathian in hmangaih naah a innghat niin kan hria. Keini nupa tan pawh entawn tha tak in ni e.
In lawm ropui hle mai, Sinhalese style-in in tivel a ni awm a hei. Golden Jubilee chu Mizo takin kan ti bung bung thei turah kan ngai.
Pathian hmangaihnain phuar nghet sauh sauh che u rawh se.
Mapuii & Thiama
A ropui ka tiin ka lawmpui tak zet che u... In hun lokal leh zel turah pawh Pathianin vengin kaihruai zel che u sela, Golden Jubilee pawh dam taka hmang leh thei ngei turin duhsakna ka hlan a che u.
Tul dang avangin Office ka kal lo a, hei ka rawn tlai khawhnu a nih hi...
An tiropuiin entawn tlak a tam hle mai. Kan lawmpui tak zet che u.
Tima sawi ang khan "The Missionaries Group" front man, sam sei leh pawr ve tak khan Pathian pek nupui tha tak a nei ta a, tihian an nupain an lo mam ta kung a ni, Pathian vang liau liau a ni e.
"The Missionaries" khan khatih hun lai khan eng chanchin nge an hril ve ang le, hmeithai runah khan eng thupui nge an chai thin ang aw?
An group photo pawh ka hmu tawh a, an pa hlawm khawp mai.
@Tim- Ka fapa duhtak, Ka zirtirna mawlte i lo hre reng hi ka va lawm em!Fapaten hetianga zirtirna an dawng tha leh hre reng tluka lawmna tur dang a awm chuang lo. Xerox paper i tih hi helamah chuan A-4 size paper kan ti.
@Thiama- min lawmpuina leh tawngkam duhawm takte avangin kan lawm e.Entawn tlak kan awm lo khawp mai. Mahse Lalpa zara lawmna erawh kan nei ve na meuh mai.
@Varte- I tlai lo ve. I duhsakna avangin kan lawm e.
@Fela- Thianpa hian group hming a rawn sawi chhuak nalh hle mai. Khanglai pelh hret khan thiante zingah Chanchin Tha hril ve tumin ka kal a (an zu innaah). A chi loh khawp. Kum 7 hnuah pawh min thlem ngar2 ka inpui leh duh ring tlat ka thian hluite kha an ni hlawm.
E khai! blog lam kan lo hawng khat deuh a, tleirawl innei thar thlalak mawi tak tak hmuh tur a lo inphum teuh alawm le. Son1 a rawn che tha hle mai, kan lawmpui a che u. Nia, Tuibangpui thlanglamah khawmpui inkalho tih mai lih kha chu nulat tlangval lai sawitur a tam vak lo a ni mai thei e. Khang hunte kha hmanni lawk emaw kan tih laiin kum 25 a lo ni ta reng mai. Lalpa chu fakin awm rawh se.
@Kl&P : Inkhawmpui an sawi kha Moreh lam alawm mawle. Khang te chuan engmah a awm lo. Nie Son 1 a hi a rawn che tha khawp mai. Hman kan ti ve dawn ta reng mai. Kan lawm e.
Happy Belated 25th Anniversary,hei eng tin tin emaw ni..blog ah ka lut ve nawlh mai a,chhiar a nuam hlawm hle mai,Tim te poh chu a va lo puitling toh ve le,a tu ber khan nge nupui nei ta...Kolasib training lai te kha kn la te na a..ka la hre ve reng thin,comics thleng khan min tuipui thiam em em vek si a,a hnu fe ah Aizawl ah chaw kan lo ei tum a,chaw eikham a in fa ten an mahni chanpual thliah an thawk sap sap kha..mipa hlir fa nei ho hnenah hian ka soi fo thin
E Jessy, ka blog i lo chhiar a ni maw, i ti lawmawm e. A lai ta khan a nia nupui nei chu. A upa ber i nu in a Kristian/Bible hming phuahsak Timothy chu SA Officer a training ve dawn Lalpan rem a tih chuan July hian a lut ang. Khawnge i awm tak? Delhi ah a mi ila awm? I lo luh leh chuan min rawn chhang dawn nia.
blog chu ka lut fo,mahse comment na hi ka lo hmu lo a,vo in ah hmu chauh.Delhi ah ka la awm ta char2 mai,awmbo san tur chuan service hi ka ui ve toh a,Mizoram lam ah contract lo chu hna vang sia.Tim chu a va lawmawm ve aw,ka nu in hmanni ah min rawn hrilh alawm,kan in ah khan lo zu in ti thu viau roh se
Post a Comment