Sri Lanka Territory puala Sipai khawmpui January ni 24 khan buatsaih a ni. Rambukkana Division in an thlenga, Booth Tucker memorial hall ah nghatin kal kan thahnem ve hle. Territory dinhmun atanga teh chuan khawmpui hlung tak a ni e.Rambukkana bial hi Sipai bitna a ni a. Sorkar leh kohhran dang pawhin Sipai Pawl an hmuh te lo viau. Kan hmalakna tam takah roreltu apiangin min puih an chak a, an lam tangah min it ve hle zel niin a lang. Kawngro su ve tham kan nihna bial a nih tlat avangin. Hemi hmun hi DHQ thuthmun a nih bakah Youth Centre kan nei a, a remchang leh zual. Midang tan pawh kan Youth Centre hi hman theih a ni.
Khawmpuiah hian 2008 a Lalpan hnehna min pek lawmin (SD, Annual Appeal etc.) 2009 kumthar thupui hmanga chona siam a ni nghal bawk. Kumtira hetiang inchawhthawh hi a hlawk hlein kan hria. Thlarau lam malsawmna ruai Lalpan min thehsak. Kum 2009 hian "Heal our nation" tih thupui kan hmang. A ram dinhmun thlirin hnam anga inpumkhat sawi uar a tul hle a; chi inthliarna kiang tura hmalak a tul em em laia he thupui lo dinpui hi fuh dawn viauvin a lang.
Lalpa a ropui e.
Traditional dancers
3 comments:
In thupui chu a tha ka ti hle mai.
In ram damna tur hian kohhran emaw sakhaw hruaitute inzawmkhawmna atang emawa hmalak dan awm se a tha ngawt mai...pawisawilo mipuite tawrhna leh indonain a nghawng thil lungchhaitthlak tam tak awm thin hian 'engmaw tal' ti tura min cho chhuah a tul hlein ka hre thin.Kohhran/Sakhaw Hruaitute intelkhawmin Remna palai hna thawh dante awmse tiin ka lo ngaihtuah ve fo thin(In lo thawk tawh reng zawk pawh a ni mai thei zawk e) In report chhiar a nuam hle mai
Rambukkana lam chu ka lo kal ve tawhna a ni a, lung a tileng hle mai. Sipai Inkhawmpui hlawhtling tak in neih avangin ka lawmpui a che u.
@Leasz- Kohhran hruaitute chuan hma chu lak an tum ve thin a; Zoram anga majority nihna hmun lovah chuan ngaih pawimawh an hlawh vak lo. Ringtute hi tan/awn lam nei anga puh an ni fo bawk.
@ Fela- kan lawm e.
Post a Comment