A hmunah hmu thei lo mahila tunlai khawvel changkanna zar zovin a pa pui'an (Timothy-a) a thlalak a rawn thawn a. Kan tunu hmuh hmasak ber lo ni ta hmel kan han hmu thei chu kan va lawm tak em! Aizawl lam line that loh avangin kan hmulawk thei lova. Tun tum ang reng hian phone line that loh hi rei kan la ti ngai lo hial awm e.A pian tukah (23 March 2009, zing dar 7:13 a piang a) a nu kan han phone a, "naute chu a hmel tha lutuk " tih min rawn hrilh a, hriat a nuam ngei mai. A fatir a ni bawka a nu chu a inhliam deuh. Mahse an nufain an tha an rawn ti zel a. Tete-a pawh keini nu leh pa tan chuan naupang ngaihin ngai mahila pa a ni ve ta mauh si a, a awmchilh ve chawt a. Kan theih anga zingin chanchin kan ngaichang a. A nu-in hnutetui a nei mai lo deuhva zanah a mu tha duh lo an tih chuan, ka my dear- i mut a tui thei lo. A thiam awm e. Ngaihtuahna chu Durtlang hospitalah riak a awm si.
Kan fateho pawh anmahni tawkin an phur ve hle hlawm a. U ber (Tima) pawh a hmel hriat pakhat nen scooty in naute hmel hmu turin an intawlh chhova. A hmun an han thleng chu- " A mit a keu tawh em?" a han ti heu mai! Mi hre lo ve em em te. Naute chu en chak, mahse tim bawk si in a bih duk duk a ni awm e. A rin aiin a lo hmel tha a," Ka fanu chu a hmel ava tha tak em" a ti a, a bih ta chhen a.
Naute thar pate Thartea (Rev. Lallarmawiia fapa) pawh a phur phengin a nu Manipur a awm a lo han chah ve chhen. Remchang a lo awm hlauhva a nu Remi pawh chu a lo chhuk thei hlauh. Lal rem ruat hi a va tha thin tak em. Keini awm lo mahila a ni Salemi leh a nute-i te hovin a nu ai zo takin an lo awh. Kan lawm hle mai. Pa Mala te nupa pawhin an hriat veleh an han en nghal vang vang. Nu leh pa chan tlin takin an lo chang thin a kan lawm.
Tunah hmu thei rih lo mahila Lalpan a hun a tih takah kan tunu thar Ruth Vanlalremruatfeli chu duhtakin kan la pawm ve thuai ngei ang. A hming hi a pi Khawlremi (Tetei nu)phuah a ni .
7 comments:
Tunu thar chanchin a ngaihnawm hle mai. Kan phur tlang bawk a ni ang,a vuakvetah 'activities/drama' pawh a tam e.
'Tunu'a ni leh zel te hi a Pi a lawm ngawt ang. Mapuii a Pu Zamlova a ang khawp mai a ti.
A nu leh pa te pawh an hlim dan tur ka hriatthiampui vein ka hria. Fa hmel han hmuh hi chu nuam tak a ni, tunah te hian kan fate hi kan thian kawmngeih ber an ni ta mai a. An tel lo chuan kan tlei theiin ka ring tawh lo.
Ruth Vanlalremruatfeli Pathianin vengin hualhim zel rawh se.
Kan lawmpui a che u. Kan trul lai a ni a, a thla la tur takngial pawhin ka kal hman lo va, a pawi khawp mai. I sawi ang khan internet a connect theih mumal loh bawk nen.
Naute hian a nu Teteii a ang ka ti.
Nau piangin mihringa hlimna a pekdan hi a mak ve ngawt mai, sawi thiam pawh a har. Inhlimna kan tawmpuia che u.
Damreng rawh se, Lal Isua rawngbawlah,
Thangin lo lian zel sela aw
Ka lawmpui a che u.. ka'n ti ve leh tawp mai ang e.
A Papuia'n (Tima) a han thlek duk duk tur chu aw... ka khawngaih roh.
Pathianin hmeichhe ko-a a nghah zingah chuan Nau neih hi a ropui ber pawl chu a ni ngei mai...
Khuanu hualin dam reng se
A chun leh zua tan lunglawmna
Pi leh Pu tan malsawmna
Vanlalremruatfeli ni zel rawh se
Ekhai...kan lawmpui hle mai che u...nia TUNU ngat in han nei a, in va lawm dawn em...TUPA in awt leh thuai dawn anih hi....Kan lawmpui a che u
A rei tawh deuh naa comment kan ziak ve hnu hnawh ang e. A ni leh thla en chuan zirtirtu ni hial tawh awm, tih ang deuhvin hmela en ngawt chuan hmana hmana pu ni tawh awm hi in ni a. Kan va lawmpui che u em aw, Fate paw lo pawhin tute chu an pua e tih a ni a, tu hmuh chu hlimawm tak a ni. Kan lawmpui takzet a che u, in pawm, paw pha lo pawh Lalpa, Lalpa thu avang vek a ni a. A lawmawm vek a nia.
Vawiin chu in blog kan hawng a, 2 months ago tih a lo ni veh mai.
Tunu an nei ta a, a lungawi tawh a ni ang e. Blog lam reng reng a lang tawh lo mai.
Post a Comment