Tun tum ang renga kan pem tur kan buai hi a la awm ngai lo. Sipai Pawl bial then dana zone danga pem tur kan nih vang chu puh mawh chi a ni lo vang. Kan thawmhnaw thawn vel kan agent ten an lo ziak dik lo te leh thil dang a awm nual mai. Mahse kawng tinrengah Lalpan min hruai zia hmuin kan inhria a kan va lawm em!!!Bangkok atanga M
anila pan tura kan thlawhna tur check gate zawnga kan nupa a kan inzui pawh hmela khual kan nih lang ta hauh lo chu kan ngampa ve sarh. Van Sipai thuamkima inbel kan ni 
bawka engmah harsa a awm lo. Kolkata kan chhuahsan dawn laia kan baggage excess avanga book dan tura kan tangkhang deuh tih loh chu.
anila pan tura kan thlawhna tur check gate zawnga kan nupa a kan inzui pawh hmela khual kan nih lang ta hauh lo chu kan ngampa ve sarh. Van Sipai thuamkima inbel kan ni 
bawka engmah harsa a awm lo. Kolkata kan chhuahsan dawn laia kan baggage excess avanga book dan tura kan tangkhang deuh tih loh chu.Manila khawpui pan tur thlawhnaah chuan kan han thufel a, kan hma a pa pakhat chuan Filipino-in Nu-i chu a han be nghal pang. A chhang thei ta lo chu mak a tiletling hmel khawp.
Kan han tum chiah chu "Mabuhay" (chibai tihna) Commissioner Chianghnuna'n min lo hrilh chu tim tak chungin ka han hmang nghal a. Mi a ti khawtual leh zualin ka hria. Sunbury Court a Filipino nula thawkin min hrilh "Salamat" (ka lawm e) tih pawh ka hmang tangkai fu. Airport chhungah ngawt pawh pali velin min be sual hman!!!
Kan han tum chiah chu "Mabuhay" (chibai tihna) Commissioner Chianghnuna'n min lo hrilh chu tim tak chungin ka han hmang nghal a. Mi a ti khawtual leh zualin ka hria. Sunbury Court a Filipino nula thawkin min hrilh "Salamat" (ka lawm e) tih pawh ka hmang tangkai fu. Airport chhungah ngawt pawh pali velin min be sual hman!!!
Rinaiin khua a lo lum. CS leh THQ staff engemawzatin min lo hmuak. Min hmu chiah chu anmahni mi ang min tih thu hlir min hrilh nak nak. Mahni ram thleng kan ang ta mah mah mai ka ti! Airport atanga kan tlan chhuak chu kan kualpawp hnuah kan in tur chu kan thleng ta. 7483 Willow Street, Marcelo Green Village, South Superhighway a awm a lo ni.Airport bul lawk a ni a, thlawhna thlawk ri chu hriat tur a awm deuh reng.
Manila hi khawpui engemawzat inbelhkhawmin a siam a ni. Kan Office lamah kan thlen tukah kan kal nghal. Kan tum dan leh min lo beisei aia thleng har kan ni a, mahse inlawmna boruak erawh a tha hle tho. Hnam lam mawi tak takin min lo lawm a, ei leh in lam pawh kan tlai thawkhat e.
Nuam hle mahse engtikah emaw chuan kan chhuahsan leh a ngai dawn. Chuvang chuan Richard Warmbrundt a thuziak ka chhiar a tawngkam- LINQUENDA- I will have to leave it someday ti chungin bul kan tan leh ta a ni.
5 comments:
A nawm hmel hle mai Manila khawpui chu. In tlangnel thuai kan beisei. Pathianin vengin awmpui zel che u rawh se, midangte tana malsawmna ni zel turin.
Nu Nui leh Pa Zamlova,
In hmun thar tur Pathian hruaina a dam taka in thleng thei chu ka lawmpui hle mai che u. Thlalak ka lo hmuh theih chinah pawh a nawm hmel hle mai! Helamah pawh hian Filipino emaw min ti chawk asin. Indian ka intih hian awih loh tawk an tam thin, Pathian hruaiin malsawm zel che u sela, rawngbawlna tha tak in kalpui a, Lalram zauh hna tha tak in kal pui ka duhsak a che u, ka tawngtaina pawh ani e.
@Thiama- A nuam khawp mai. Kan lawme.
@Mitea- Nia kan unau dangte hi kan ang lo em mai a hai hi chu kan hlawh fo hlawm a nih hi. Kan lawm e.
amah a mite hnenah a kal a, amah a miten an lo lawm a. Bible-a mi nen chuan a inletling deuh chu a nih awm hi.
Babel in sang avanga tawng chi hrang lo awm ni lo phei se chu anni leh keini a awm hauh lo vang. Lalpan kan tan kawng a siam tih a lang chiang thin a ni.
Post a Comment