Cadet laia naupai awih loh avanga dan lo anga Training chhunga piang ni a sawi. Kan fa hming koh. A Pu in Lalpa a ka lawm thin zia min hmuhpui avanga Lalhlimpuia hming a phuah. Nu Awii'n duhsak taka Timothy ti a Bible hming a phuahsak. Keini a nu leh pa leh a pi leh pu ten Mambawiha ti a kan koh. A sen lai atanga Lalpa pual tura ka thinlung taka ka lo hlan ve thin chu April ni 10, kum 2011 khan Chhandamna Sipai Pawl a hun puma rawngbawl tura nemngheh a lo ni ve ta.
Thim hlim atangin a nuin a vei tan a. Zan dar riat velah Kolasib hospital kan panpui.
Zanah ka riahpui phal a ni lo. Rilru a helhkam ul chungin Training College ah ka kir san a ngai. A tuk zingah a lo piang ta. Kan fa hmuh hmasak ber chu Nurse Masthangi'n ( nu Mas-i) a chhar. Dam leh him taka a lo piang kan lawm zia kha aw!!!A saptawng hriat hmasak ber chu, "where is the moon" tih a ni, a pa Fela'n a ti. He a sap tawng thiam hi entir tur chuan
thla en zan a nih ngei a ngai. Thla en tumin van lam a zawn kual vat thin avangin. A pa Fela wheel burrow ah a tang thin. A keah man sakin a kutin a in nam khalh a a kal kual a, nuam a ti thei hle.Hnahthialah school luh tan tir kan tum. Kerela mi an Headmistress a hlau tlat mai a a buaithlak khawp. Kawng dangah chuan a fel thei hle . Zun ram te hi a hmun taka thiar a tum tlat zel. Buaipui a ngai khat. Tripura a kan awm laiin Bru naupang pakhat hi kan awmpui a. Behliangchhip corps in an sponsor a ni. Blue Mount school ah chu naupang chu kan luhtir. Bokrom Joy a ni a, a u tak tak emaw a ti mai. A duhsak bakah mi zingah te hian hnam dang a nih a lan loh dan tur hi a ngaihtuah ve ran reng. Hmangaihna pianpui a ngahin mi khawngaih thei tak a ni.
Kan phak ang tawka dikna kan zirtir hi a nun chhuahpui ve niin ka hmu. Tum khat chu Krismas dawnah a
pu Mathana hian a pheikhawk dawr nghahpui atan a sawm a. Krismas thawmhnaw vel tum sak tiamin. An putu chuan an va nghak ta ngei a. A ni hnih ni tlaiah chuan a pu Mathana chuan,"U Zamlo, a dik dawn hauh lo mai. Tima rilru thianghlim tak mai hi kan ti khawlo dawn tlat. Lokal tawh lo mai rawhse" a rawn ti a. An thil zawrh a pu Mathana'n, "Kan leina aia tlawm a ni na a la mai rawh u" a lo tih thin chu, a hrethiam lo a lo ni. "Ka pu Mathan chutianga kan hralh te chuan kan kawt mai ang asin" a lo ti thin a ni awm e.Lalpa kohna chhanga hetia rawngbawltu nemngheh a lo ni ta mai hi kan law
m hle mai. A kotu Lalpa hnenah lawmthu kan sawi bang thei lo. Training chhunga zirtirtute hnenah lawmthu kan sawi. Thenkhat chuan " A nu leh pate kawng a tluang em a, anmahni ang tur hi emaw a ti a ni mai lo maw? Kohna a dawng tak tak lo ang a!" an ti thin a ni awm e. Cadet a nih chhunga Lalpan a kohna nemnghehna kawng hrang hranga lo lang chhuak te avang khan Lalpan a ko ngei tih hi chiang zualin kan hria a kan lawmna a sang zual.My Little General ka tih thin kha tunah zawng "My BIG Lieutenant" a lo ni ta hlauh zawk. Lalpa chu fakin awm rawhse.
5 comments:
A va ropui em! Nu leh pa, an fate Lalpa rawngbawl tura inpe thinlung leh tih tak zeta thlawp tu a nei hi Tima chu a vannei hle mai. Little General pawh a la ni tak tak thei mai ang.
@Varte- I ti lawmawm e. Kan thinlung lama a nih tawhna hi ropui ka ti. Ka lungawi tawk tawh khawp mai. Rawngbawltu nih hi a hlu. Lalber sipai nih ai baka sang a awm chuang lo ve.
Pa te hnung zui zawh hi thil har tak niin ka hria. Timothy chu a ti tha e. Lalpan awmpui zel che u rawh se.
@ daniel- Kan lawm e min duhsakna tawngkam avangin. Ka ziak ang khian Pathian min thawhsak dan hi ropui kan ti.
'where is the moon?' tih lai vel kha a va ngaihawm em! a lunglenthlak hle mai
Post a Comment