Chhandamna Sipai Pawl Sri Lanka a hmunpui hi Colombo khawpui laili ah hmun zau tha tak mai kil thuma kawngpuiin a hualin a ding a. THQ building hian, kawngpui Sir James Peiris Mawatha an tih chu chhawngin, hospital lar tak mai Nawaloka nen a inthenawm a ni. Hemi chhungah hian Board room pahnih leh zing tawngtai inkhawmna hmun mi 50 vel thawl nuam tawka dawng a awm.
Hope house ah hian Pianphunga rualban lo thawhna nei mipa te tan hostel a awm a, Montesorri school te, physiotherapy clinic te, computer center te, guest room te, supply store te, quarters leh western division DHQ te a awm bawk. Hemi hmuna hian HIV/AIDS hripaite tana ei tur tha semna leh anmahni sawipuina pindan pawh siam a ni. A hming ang takin tam tak tan beiseina thar nei tura tanpuina hmun a ni e.
THQ nen a ding dunin Colombo Central Church hi biak in lian ni lo mahse a sak hmang leh lan dan hi a tha thawkhat hle. Sap tawng leh Sinhalese inpawlhin inkhawmna kalpui a ni. Band leh Worship team tha tak awm hian inkhawm boruak a tinuam ve khawp mai. Sap ram angin band hian hla mipui sak tur ang chi chu an hruai vek thin. Worship team te hian minute 20 vel tur hun an hmang deuh zel bawk. Colombo a i kal chuan Chawlhni zing inkhawm dar 9 a tan hi va chhim ve ngei ang che.
6 comments:
E khai, ava lunglen thlak ve, rilru a tithar uai uai e, in programme hrang hrangte phho chhuah hi tha ka ti khawp mai. Sri lanka Office kalhmang hi a fel riau a, India TC te train nan hmang ila a tha awm asin maw le!!
Sri Lanka ka kala ka inkhawmna hmasa ber anih hi...khami tuma ka rilrua ka chak berte zinga mi chu music engemaw ber thiam nal hle kha a ni.
Philipine TC in tawtawrawst a ham ziah thin khan ka mit a la ngawt thin mai.
Lanka lam chuan hmunhma an neih that hi mawle. Hope House hian min impress ber mai. He building mawi leh tha takah hian mi rethei, chanhai, tanpui ngai leh natna tuarte Krista hminga chhawmdawl leh enkawl an nih avang hian. Continue the Master's work.
Pu ber comment chu... kan va lawm ve. Remchang siam theih dan a awm chuan kan inhawng reng e.
@LeaszRalte- Kan thalai ho hi rimawi lamah chuan an chhuanawm khawp asin. Zaipawl pawhin staff notation ngat an hmang. Tonic solfa an thiam ve lo thung. Kan senior Officer sap ho lo hrual (trainingah) kha chuan band an ham thei deuh vek.
@Thiama- Tunhma lamah mihausaten ram changkang angin an in leh lo leh rosum te Sipai Pawl an khawm tir thin a, chung zar chu kan zo nual. Kan mi hmasate remhriatna rah a ni tel bawk. Chutiang kal zelah chuan kan awm hma deuhva kan home chhuak nu 1 (RIP) in cheng nuaih sawmhnih chuang SA tana a dah tunhnai mai khan kan tifel.
E khai, Lanka lam chu in va changtlung ve aw, a hmunhma pawh nawm hmel khawp mai. A hmun ngeia hmuh ve a chakawm mang e...
Thiama sawi ang hian Hope House chuan a mi deh dan a dang hle mai.
Hetiang hmuna Hotu in ni thei hi ka lawmpui che u-in, in chhuanawm ka ti takzet.
Post a Comment