Mi tan chuan mo neih chu thil naran a ni thei e. Keini chhungkaw tan chuan fanu hmuh hmasak a ni tlat a, a hlut dan a dang hle. Dik tak chuan kan beisei aia hmaah kan nei a, kan tal buai deuh hlek. Kan nupa-in awmdan kan thiam lova kan ro a nawi niaih a ni ber. Mahse chu chuan kan tana a hlutna a tinep chuang reng reng lo. Remruatdan turah min tihkhawr deuhvin kan hmai a uang lo deuh chauh a ni.Pathian khawngaihna leh hmangaihna - thiantha, rawngbawlpui leh unaute hmanga lang chhuak avang khan kan va han lawm tak em! London leh Kenya atanga mo lawmna dawn te, Lunglei lam atanga fam hnu Pu Vanrohlua puala ruai buatsaihna atana buhfai bag te; Kalimpong leh Colombo atanga thilpek (present) te kha Aizawl a hmun thute lawmpuina te nen an va han hlu hlawm tak em! In zavai a chungah kan lawm e.
Mawl te-in, mi 20/30 vel hriatpuinain chawhnu dar 2 ah inneihna hun kan hmang anga, reception awm lovin chawhlui kan kil ho anga kan lawi fel tir nghal mai dawn nia kan ti a. Kan phak tawka kan ngaih angin ruahmanna kan nei ve a. Tu vak mah sawm lo vang, ti kan ni a. Lalpa remruatdan a lo ni lo. Mite kaltlanga Lalpa inpuanna zarah ruai angin kan buatsaih leh ta chuk chuk a, thiantha leh laina bul hnai tak tak te pawh mumala inhrilh hman ni ta hek lo, kan ro a buai ta nuaih mai a ni ber.....mahse a tha vek mai. Kan beisei piahlama Lalpa hmangaih ropui lo lang hi a makin ava ropui tak em!!!
Mi sawm ngam lo khan ruai buatsaih thei tur anga kan awm tak siah chuan eitu hmuh loh kan hlau leh hnuhnawh a. Mahse hrilh awm ngawih ngawih hrilh fum fe loh kan ngah phah ta a nih kha. Kan hun a bichilh leh zual ta deuh a ni pakhat.
Temple mawi tawk tak mai Lalpan a rawn hip khawm a. Chawhlui kil pawh 5
50 zet kan tling ve hial. Kan suangtuahna piahlam daihah hlankaiin kan awm a ni. Ava mak em!!! Ava ropui tak em!!!Keimahni dinhmun atangin tehfung kan siam a: Kan Pathian hi ava tha tak em tiin lawmthu hlirin kan khat a ni.
50 zet kan tling ve hial. Kan suangtuahna piahlam daihah hlankaiin kan awm a ni. Ava mak em!!! Ava ropui tak em!!!Keimahni dinhmun atangin tehfung kan siam a: Kan Pathian hi ava tha tak em tiin lawmthu hlirin kan khat a ni.Hun chep takah kan hotuten chawlh min pe a; official expense a hawn theihna remchang min siam a. Kum 2009 chhunga kan haw theihna kawng awmchhun chu kan hmang zova, mahse a man hliah hliahin kan hria. Hun erawh kan duh aiin a rei ta lo deuh tih chauh a ni. Kumtira chawlh hun hman zawh nghal vek kan hreh deuh avangin.
Heng zawng zawngah hian Lalpa chu fakin awm mawlh rawhse.
(Kolkatta awmlaia ziak)
9 comments:
Ka rin aiin i rawn ziak har a, a lawmawm tehreng nen. Sal sarih zinga mi, mipa hlir fanau malsawmna dawngtu tan chuan famo han neih chu 'van lal reng ro pialral lunghlu ka chhar ta' tih ang hial a niin ka ring.
Congratulations!!!!
A hmun ngeia awm ve a, puar el euha ruai theh ve a chakawm hle mai
In fanu thar neih chu kan lawmpui hle che u a ni. Tufa chawia malsawmna tam tak dawng turin kan duhsak e
@Fela- Aizawlah khan internet ka lut thei lo a, Kolkata ah Tetea lo thlen hnuah a GPRS hmangin ka online thei chauh atin a nia.
@Varte- You are welcome. Kan lo ei kep che alawm!! Fatute kha eisiam an thiam hle mai an ti ve sap sap a sin.
@LeaszRalte- Kan lawm e. March thla chuan Tima nu/pa tih thin kha .....i/a pi/pu tiin koh kan nih ve theih kan beisei...
Sametime lamah kan lo chang che u a, chan loh khanah in rawn chhuak tlat. Ava lawmawm em, fanu hmel in hmu in lawm dan tur chu kan hre thiam e. Kan lawmpui tak zet a che u. Nu tizangkhaitu tur a nih tehlul nen in awm hla si a, a tizangkhai pha dawn lo a nih hi. Mahse tunlaiah chuan Pa in Nu kan tizangkhai ve thung tawh a, mo tha chawr pawh an mamawh tawh chuang hlei nem ti rawh. Pasalte an chawr awlh awlh mai a nia!!!! kan puih vena sawi lah hi an la hreh em em zui!!!
Kan haw thla kha Chennai to Colombo Flight Sri Lankan an cancel hlauh mai a. Darkar hnih vel technical problem a awm tiin min nghahtir te te a. jetlite lamah vanneihthlak takin seat min pe leh thei hram a. Zing dar 4 velah in kan lut thei tawk. Kan tlaivar a ni ta ber a, kan chau deuh nen office pawh kan kal peih ta lo a same time lamah kan rawn lang lo a ni e. Hnawhsarum taka chawlh kan dilna min lo tihhlawhtlinsak avangin heng zawng zawng hi kan tipuitling thei chauh a ni a, kan lawm tak zet. Nuho hi chu anmahni tih lam hi a langsar ve thin a, kan pui ve hle emaw tih pawh hian awmna ram dan hi an ti zaih zel....
Thlalak hmasa ber, in chhungkaw (thar) thlalak khi a mawi danglam hle mai. A naupang ber Mapuia pawh a lo tlangval ve ta a nih khi, inhmuh lohna a rei ve ta a niang. In fanu thar (keini tan kan farnu thar) hming hi i rawn sawi lang si lo a, a kim lo tlat mai. Kan va hre chak ve le. Midangte hmanga in chunga Lalpa inpuanna hi a ropui lah teh reng a, fanu thar hming sawi lang miah lova "Fanu ka nei ve ta" tih thu ziah pawh a awm tho e!! Tetea te nupa kan duhsakna sang ber kan hlan e.
@Thiama- I ti dik e... kan lawm em avangin a hming lam ka hmaih tih pawh ka lo hre chang hlei nem!!! MALSAWMTHANGI (Tete-i, ti a koh ve tho)Chaltlang Lily Veng a khawsa; Pu H Lalenvela leh Pi Khawlremi te fanu a ni e.
Va ropui teh tak ve!. Hei keipawh mahriak te in laikhumah ka gprs muang tawk nen ka rawn bei ve a nia. Nupui nei hmasa tur ber si naute fa kan awi dur2 mai niang chu... Ka hna lam pawh Pathian zarah kan tluang viau zel e.. Hmanni 5 lakhs ni khatah kan sale ka th kha Nu Thai'n Chhinga veng ho fuih nan alo hmanga mahse min thik lek2 thin, vawi khat ka sawi zauh tawh chu tih hlawhtlin an tum zel sia.. Pathian malsawmna vek ni ah ka ngai.. Pa Fela, pa Dula nen Rust Memorial kawta in lak kha pa Fela chhuah tura pek ka tuma a ring dik tan lawmman ka siam sak ve anga te kalo tia a poi lem lo ag cu maw. Nge kapu te nen, pu NTHANGA te nen kolasiba kan thlalak zawk kha niang? Hre kimtu an tlem awm! Kan tam si haha.. U Henry te pawh kum 16 vel chauh anla niang.. U Mami kha a cher toh rapthlak.. Ka hmu thuta ka phu zawk!! Iva cher ve han th kha ka zak sia iva hmeltha ve kati ngawt pek a. U Tetea pawh S.A.Y leadera nia a tang khawp mai. Amah hrim2 pawh a improve ltk nula pawha chhaih ngai tohlo haha.. Chuan..
Post a Comment