Commissioners Lalkiamlova & Lalhlimpuii (IS &ZSWM) te chu London atanga lokalin Colombo Central Corps ah Krista Hriatpuitute Session nemnghehna leh tirh chhuahna hun an rawn hmang.
He hun hi Thlarau lam malsawmna thar Commissioner te kaltlanga luan chhuahna hun a ni tak meuh mai. Thuchah te a ropuiin a nung hle a, ruatna thara kal turin cadet te a chawktho tha hle.
Commissioner hian tuna kan mawhphurhna chelh me
k hi hna pawimawh ber a nihzia fiah takin a tarlang. Kohhran dang atanga rawn chhimtu leh he hun min rawn hmanpuitute an awm nual. Training College thenawma Catholic sister te hi khel lova kan hunpui min rawn tawiawmtute an ni. Anglican Father, Methodist pastor leh Baptist pastorte nen. Kohhranhote thawhhona a tha khawp mai a, Sipai Pawl min hriat dan pawh a lawmawm viau.
k hi hna pawimawh ber a nihzia fiah takin a tarlang. Kohhran dang atanga rawn chhimtu leh he hun min rawn hmanpuitute an awm nual. Training College thenawma Catholic sister te hi khel lova kan hunpui min rawn tawiawmtute an ni. Anglican Father, Methodist pastor leh Baptist pastorte nen. Kohhranhote thawhhona a tha khawp mai a, Sipai Pawl min hriat dan pawh a lawmawm viau.Territory lian vak lo Sri Lanka ang tan chuan nupa tuak hnih leh single pakhat a belh hi a hlu khawp mai. Training lai chuan single pathum leh tuak khat an ni a, nemngheh an nih hnu ni rei loteah single pahnih te hi an innei zui ta a ni.
2009 session thar atan kan inbuatsaih mek a, kumtin thalai panga (5) tal Training a lut tur hmuh tumin kan Candidate Secretary pawh a tul ve khawp mai. Mahse ngah zawh loh chang kan nei fo. Tun a zir lai mek te pawh pali chauh an ni. Kum thara lut tur hi pasarih (7) kan beisei laiin paruk (6) kan tlin thei dawn chauh a nih hmel.
School session mila insawnnate siam a nih theih nan December thlaah nemnghehna leh tirh chhuahna hi neih a ni thin. Officer fate zirna hi ngaih pawimawh a ni tha hle. DC/DO te hnenah an fate zirlai dinhmun an hriattira, insawn thei tur an nih an inhriattir thin. Dan pangngaiah chuan chutiang chauh chuan insawnna ruahman a ni, engemaw thunun ngai avanga sawn an nih loh chuan.A chunga mi hi Witnesses for Christ ten an session hla an sa lai a ni.
Cadet zirlai ti tha ber hnenah Colonel Arnolis Weerasoorya award Commissioner Lalhlimpuiin a hlan.
Cadet zirlai ti tha ber hnenah Colonel Arnolis Weerasoorya award Commissioner Lalhlimpuiin a hlan.
4 comments:
Tluang taka an zo ta chu a lawmawm e, kan cadette pahnih chu an innei ta maw...ka lawmpui hle mai.
Saree (Sari) hi nalh ka ti bon thruai mai, kan Hotunu-te pahnih pawh hian an inhmeh,an nalhpui ve zuah mai.Keini ang duang hian kaih ve ila, a hnawk duh awm...
Cadet Commission tluang taka in nei thei chu a lawmawm e
Ka thusawi duh point te:
1. Sri Lanka Territory uniform hi a mawi hle mai. In cadet commission tharte leh kan hotute pawh hian in inhmeh a nih hi.
2. Officership atana inpe an va tlem thei ve. Mamawhna a nasat si chuan kan hotute hian IET-a kan thalaite zingah Officer tur recruit zawng mai se. Damchhung pawha Sri Lanka hmuna rawngbawl inhuam thalaite an thur chhuah nawlh nawlh theih ka va ring ve.
3. SA Officer-te hi ka ngaisang a, ka zah a, an chhungkua tan ka tawngtai sak ve fo thin.
4. Kan nupain kan sawi dun thin a (boruakah in sang kan sa a ni ber), Officer niin rawng lo bawl dawn ta ila, kan chak ber chu ringlomi te zingah emaw, SA rawngbawlna la awm lohna hmuna kohhran din (church plant) hi a ni. Thingtlang kilkhawr pawh nise, hmun nuam ber chu mamawh kan nihna ber hmun (kan hlu vena hmun ka ti mai) hi a nih zel dawn avangin.
@LeaszRalte- innei ta e. I lawmpuina ka lo hrilh ang
@Varte- Saree chu i inhmeh ve ving veng viau tho vang.... welcome.
@Thiama-
1. i ti lawmawm e.
2. Inpe chu an tam luh hun lo an awm nual a chuvang chuan a sa seh hun takah hian a buaithlak thin a ni. Junior Candidate chu kan nei nual ka tihna.
3. Kei SA officer nih hi nuam ka ti, darkar khat vel ban chang chu nei fo mahila;Lalpa min kohna hi ka hlimpui khawp mai.I thuziak hi chhiar a nuam hle.
4. A taka in chantir hun kan lo thlir reng ang.
Post a Comment