Kan Girls Home administrator in a lam dan vel (choreography) a buaipui a ni. Ka hand phone hmanga ka lak a ni a, a quality a sang vak lo. Hemi zan hi Eventide a Krismas hun hman a ni a, girls home naupang thenkhat mahni chhungte hnena "U Ama" hmang tura an hawn tawh avangin Home enkawltu fanu 2 an tel ve.
Chhandamna Sipai Pawl hian Tsunami avanga tuarte chhawmdawlna hna hi kawng hrang hrangin a thawk a. Hei hi Tsunami avanga nu/pa chan naupang te puala tanpuitu kut a kan tanna a naupangte Krismas hmanpuina hun a mi a ni. heta kan naupanghote hi sakhaw hrang hrang bia an ni. Krismas hla te an sa thiam hle a, eng tik hunah emaw Nausen Isua an thinlungah a pian ngei kan beisei. An nu leh pate pawhin kan Officer te an hnaihin kawng hrang hrangah an theih angin an pui thin tih hriat chuan kan hnathawh a thlawn dawn lo tih a ti lang. Dinglam sira thawmhnaw var thu far khi beram lema changte an ni e.
Kan tar enkawl te pawh hi an duai lo. Keini chu kan tar tawh ti miah lovin mahni chanvo chu phur leh hlim takin an tihlawhtling zel.
5 comments:
A video ka en thei lo nain thuziak chhiar a nuam hle mai. Hmangaih taka in chhawmdawlte hlim taka an che vel thlir tluka hmuhnawm leh hlimawm hi in tan a awm lo'ng e.
Kei chu ka en thei asin, a tha khawp mai. Thianpa chu Krismas-in a kaiharh a ni ber alawm, a blog hmuar pawh a rawn tireh tak hi
E, Christmas Video clip a hmuhnawm hle mai - kan en thei e. Fela - i nau hian a blog hmuar a rawn nawtfai tha khawp mai tak e. A hmuarin a khuh avangin en mai nachang pawh ka lo hre lova, zan in kan en chu a hlimawm hle mai. A lawmawm e.
@ Thiama- Video i en theih dan tur ka kawhhmuh thiam lo che, a pawi ve i lo en thei lo chu. Nia Pathian min thawhsak rah thlir chu a nuam khawp mai.
@Fela- Krismas kaihharh theih a ka awm chu lawm tur a ni ang chu ti rawh... Krismas pawhin a kaihharh zawh lo hian thlarau lamah kan muthlu palh ang tih a hlauhawm. Tak tak a, thuziak hi ka thiam lova, thlalak leh milem che thei sawifiahna thu hi ka ziak thiam a ni chauh e. Thlalak ka neih ve leh ka rawn dah nghal a nih hi....
@KL&Puii- A mawh lo ve in thiam awm. Kum khat dawn ka reh vang vang a nia. In lo hmu rang zawk khawp e.
A tha khop mai,fahrahte hmeithaite kan a enkol leh tanpui fo hi Pathian duhdan a ni. Kan thlil neihte hi midag kan sem a kan pek ve hi Pathian hnena kan hlanna a ni. A thlon donlo nikin hunah.
Post a Comment