Lal Isuan " Buh seng tur a tam hle a, nimahsela a thawktute an tlem; chutichuan a buh seng tura thawktu turte tir turin buh Neitupa hnenah chuan ngen rawh u" a ti. Buhseng vanglai tunlai chu kan thleng a ni ber awm e. Kan kalna apiangah malsawmna ropui tak kan hmu zel mai. 8 August 
khan corps kan la tlawh loh tlawh theihna remchang a awm hlauh mai a. Sipai puitling 5 leh JS pakhat kan lawm lut nghal. "In thawh loh at turin ka tirh che u kha" (Johana 4:38)tih ang khan kan officer te thawhrim rah sengpui turin kan kal a. Ava hlimawm tak em!
Tunhnaiah hian ka nupui duhtak kawng na neih avangin kan zin dan tlemin kan danglam a. Langa kan kal thinna angah zan kan riak ta. Kartawp chawlh kan hmang pah a ni mai kan ti a, Inrinni chawhnuah chhuakin Inrinni zan chawlhna atan kan hmang thin. A tih chi viauvin kan hria. Kilometre za chuang te a nih avangin tlemin langa kal chu taksa a rim deuhva. 
Kan tukthuan ei min rawn zawm vetu hi a tihlimawm a nia. Ka kuta chhang thawp them a rawn la ngam ! Kan chenna ram hi nungcha chunga ngil an neih zia hei hian a tichiang awm e. Mak kan tih em em chu kan DHQ compound pakhatah hian rul chhungkua an awm an ti. Nitin vawihnih kawng an rawn kan thin a ni awm e. Thah an tum lem lo.
Tun tuma kan thlenna chu sai no an neihtirna hmun (Elephant orphanage)bul a ni a. Ka my dear-i hnunga mite pawh hi sai ek. Lehkhapuan leh thildang siam nan an hmang.
A hmalamah hian lui a luanga nitin tum 2 sai rual an inbual tir thin. Chutianga sai inbual chu en turin tourist tualchhung leh rampawn thahnem tak an awm reng. A en man hi rampawn mi tan chuan Rs.250 lai a ni awm e.
A hmalamah hian lui a luanga nitin tum 2 sai rual an inbual tir thin. Chutianga sai inbual chu en turin tourist tualchhung leh rampawn thahnem tak an awm reng. A en man hi rampawn mi tan chuan Rs.250 lai a ni awm e. 
Kan zanriah ei hma vah harh pahin sai awm loh laiin a zu ding ve a nih hi. Kan innghahna hotel hming pawh hi "Hotel Elephant Park" ngat mawle.
Thawhrim hi chawlhna nuam a ni tih ang deuhvin kan thawk reng chungin kan chawl pah bawk a, kan hlim em em.
4 comments:
in tihdan chu a tha hle mai, thawh a tul em e tih vanga indim miah loh chuan thawh rei theih loh a hlauhawm zawk, Ei tam i duh chuan Ei tlem rawh tih a nih kha...
Thawk zel la, i thawhah lawm rawh, thawhrim chu chawlhna nuam a ni.. dik chiah..
Pic mai a nalh a ni lo, 'in' nalh(hmeltha) tel bawk a nih hi. Hmeltha na na na hi zawng thlalakah pawh in lo hmelh tha zel a nih hi.
In hawi khawthawngna hmun vel chu a nawm hmel khawp mai, tih fo chi a nih hmel hi.
Varte- W Booth a kha 8hrs a mu thin. Mut tlem leh tam hian hriselna leh damreina atan awmzia a nei an ti. Taksa hman dan pawh a ni ve ngei ang. Kan lawm e
Thiama-Kan intawn remchan hunah i pi Nu-in kawr leisak che a duh ang. Hmeltha titu hi kan tawng khat a nia. Chal ngalh hi sawi a ni fo. Tih fo theih a ni mahna. remchang zawn thiam a ngai ve a.Ha.. haaa...
Nawm hmel hle mai. In rawngbawlna pawh Lalpan mal a sawma, a ropui hle mai.
Post a Comment